Hmanni lawk a motor khalh ve tan khan, motor ka khalh a ka harsatna tawh te atangin point tlem kan ziak ve teng.
Driver te tan:
Sorkar hian kawngsir a motor dah a khap thei si lova, an dah theih lohnan sidewalk hi siam ta vek mai se kan hlawk phian ang em? Driver te tan:
- Signal pe lovin ding thut suh. Chho fahranah taxi kan zui chhova, passenger an mitsir a an hmu an han ding thut mai hi chu keini driver junior tan chuan buaina tham. A zawn chiahah i din loh pawn passenger khan a hman loh phah awm si lo che a, a chhak deuhvah, rem deuh laiah signal pein han ding la, i hnung a mite leh lehlam atanga lokal te tan chuan sawisel bo i ni mai tur.
- Kawngsir a din dawnin, kawng kawi lai takah hian ding lo thei hram ila. A lehlam atanga motor lokal a hmuh theih si lo, tlan pelh dawnin a harsa lehzual bik. Chhovah phei chuan buaithlak ve tak a ni.
- Kawngsir a din dawnin, motor din tawh na sa ah ding lo thei bawk ila. Lehlam lehlam a motor a din chuan kan Mizoram kawng zimah hian inpelh a harsa. Two wheeler kawngsir a ding pawh hi kawng te ah chuan hnawk vet vet tak a ni. Han tai hlek ila in rang ve mang bawk si lo, keini kan rang nghal ruai bawk si.
- Speed lai deuhvin tlan bik suh. Chho ah chuan 20 kmph vel tal a tlan loh chuan 1st gear a ngai a, petrol man to ropui si. Kuhva in han insiam a, zial in han fawp a, phone in han be hmanhmawh lo lutuk hi chu a hnung a mi tan chuan a lawmawm vak lo.
- Two-wheeler i khalh vang khan kal hmasa ber tur i ni lo. Harsa tawkin motor kan han 'in-side' a, kal thei dawn maw tih veleh two-wheeler rawn inrawlh lut zung zung hi chu pen fawk an chakawm thei khawp mai.
- Car atangin bawlhlawh paih suh, i chhuk hunah bawlhhlawmbawmah paih mai rawh. I fate leh tu te zawng zawng pawh bawlhhlawhbawm a bawlhhlawh paih zirtir rawh.
- Insa i nih chuan i kawng nek danin i mizia i ti lang. Bungrua-brick, lung etc etc in unload a nih pawhin, kawngsir thei ang berah thiar khawm tir rawh. Perek leh thil hriam dang phei chu motor ke in a ngeih lo nasa a nia.
- A huhova i kal vang khan motor hlauh loh phah suh. Inkhawm bang i ni emaw, sikul bang i ni emaw, inkhel en zo i ni emaw, kawngsirah kal hram ang che. A huhova kal vang a a tlar a kal kher a ngai lo, sut palh chuan a na thovang. Horn pek nawn pawh a inthiar fihlim duh miah lo hi chu ngeiawm ve hranpa.
- Kawng i cross dawn pawhin motor tlan laklawh loh lai chang hram rawh. Muang fahran a mi speed lai veka, ka van 'cool' em, inti niawm fahran a kawng cross hi chu mumang lamah tal tai in chakawm.
- Motor lei dawn chuan a park na tur garage hi sa/luah hram hram ang u. Kan in zawn a kawng hi kan in in a chhawm tel lo tih hriat thar a tha.
- Mipui ke a kal hi zahthiam an ngai, chep tawk tawkah ip titihin an kal laiin car leh two-wheeler kawngsirah kan park leh si. A tlan lai motor te hi chuan kawng chu kan mamawh, mahse a sir a ding hi chu mipui kawngsir a kal ai chuan an pawimawh lo fe zawk.
